Incorporación de voluntarios/as

Procedemento a seguir polas entidades de voluntariado para a incorporación de persoas voluntarias ós seus programas

Acordo de colaboración
Libro de rexistro de voluntariado
Póliza de Seguro
Certificado de participación
Outras obrigas

Acordo de colaboración

Asinarase dous exemplares do Acordo de Colaboración entre o representante legal da entidade e a persoa voluntaria de xeito que cada parte disporá dun exemplar orixinal

Para a participación dos menores de idade, en programas específicamente adaptados ás súas características, acompañarase necesariamente ó acordo ou compromiso de incorporación unha autorización expresa dos seus pais, titores ou institucións que os teña ó seu cargo.

Inscrición no libro de rexistro de voluntario

A entidade inscribirá no libro de rexistro ás persoas voluntarias, unha vez asinado o acordo ou compromiso de incorporación a un programa de voluntariado. A través deste modelo oficial de libro formalízase o rexistro de voluntarios podendo efectuarse a inscrición por procedementos informáticos.

Este rexistro dependerá e será xestionado directamente por cada entidade, correspondéndolle asimesmo a súa actualización das altas e baixas producidas

O rexistro será público e poderán acceder ós seus datos os afectados, podendo solicita-las certificacións que precisen.

O rexistro deberá conte-la seguinte información: nome da persoa voluntaria; DNI; nome da entidade, programa ó que se adscribe; data de inscrición do voluntariado á entidade; data de baixa; motivo da baixa; observacións.

A inscrición das persoas voluntarias no libro-rexistro do centro no que prestan a súa colaboración é incompatible coa prestación de servicios retribuidos de calquera natureza no mesmo centro, para garantir a non interferencia laboral.

Non se procederá á inscrición como persoa voluntaria daqueles que realicen actividades que non sexan de interese xeral e altruísta ou que incumpran os requisitos da Lei do voluntariado ou disposicións complementarias.

O rexistro de voluntarios/as terá carácter público independentemente da aplicación da lexislación relativa á protección de datos de carácter persoal. Non se poderán utilizar estes datos para fins distintos dos establecidos neste acordo.

Efectua-la alta na Póliza de seguro de accidentes e responsabilidade civil

As entidades de acción voluntaria deberá acredita-la subscrición dunha póliza de seguro que cubra tanto os danos ocasionados ás persoas voluntarias como a terceiros no exercicio da actividade de voluntariado.

Certificado de participación, como persoas voluntarias, ó remate do compromiso

Certificado de participación, como persoas voluntarias, ó remate do compromiso

As entidades de voluntariado deberán certifica-la actividade das persoas voluntarias con constancia dos seus datos persoais identificativos e a duración e natureza da actividade desenvolvida.

A certificación, á que ten dereito toda persoa voluntaria, farase en base os datos contidos no libro-rexistro existente na entidade ou organización na que o voluntario/a presta os seus servicios, así como cos datos contidos no acordo de colaboración previamente asinado.

Este certificado expedirase polo órgano competente da entidade de voluntariado, co visto e prace do representante da correspondente Delegación Provincial da Consellería de Familia, logo do informe do responsable do programa de voluntariado. Para elo, o representante da Xunta de Galicia requerirá, ó responsable, un informe acreditativo ou copia do libro de rexistro no que consten os datos da persoa voluntaria.

Dentro do respecto á liberdade de forma, ofrécese un modelo de certificado de participación para facilita-lo exercicio da responsabilidade das entidades.

Outras obrigas das entidades de acción voluntaria coas persoas voluntarias

• Proporcionarlles ás persoas voluntarias a formación específica e orientación e dotalas dos medios e recursos necesarios para o exercicio das súas funcións.
• Cubri-los gastos das persoas voluntarias derivados do desenvolvemento da súa actividade.
• Facilitarlles ás persoas voluntarias unha acreditación identificativa.
• Informa-las persoas voluntarias sobre os fins e o funcionamento da entidade.
• Facilita-la participación do voluntariado na elaboración, deseño, execución e avaliación dos programas en que interveñan.
• Garantirlles ós voluntarios as debidas condicións de seguridade e hixiene no desenvolvemento da súa actividade e establece-las medidas necesarias de prevención de riscos.
• Efectua-lo seguimento e avaliación das actividades programadas, garantindo o logro dos obxectivos previstos.
• Responder a principios democráticos e participativos na composición dos seus órganos e no seu funcionamento.