Dirección Xeral de Voluntariado

Funcións

Segundo o Decreto 195/2003 que establece a estructura orgánica da Consellería de Familia, Xuventude e Voluntariado correspóndelle a Dirección Xeral de Voluntariado:

• A xestión e coordinación das actuacións da Consellería en materia de voluntariado.

• A elaboración e seguimento do Plan Galego de Fomento e Promoción da acción voluntaria.

• A xestión do sistema de rexistro autonómico das entidades de acción voluntaria.

• O desenvolvemento das actuacións de promoción, investigación, asistencia e formación en materia de voluntariado.

Órganos

A Subdirección Xeral do Voluntariado é a encargada de promove-lo voluntariado galego, fomentar e canaliza-las iniciativas de asociacións, persoas voluntarias ou entidades tanto públicas como privadas e buscar solucións a necesidades que presenta este colectivo na realización das súas tarefas, así como a elaboración e seguimento do Plan galego para a promoción e o fomento da acción voluntaria e a xestión do rexistro de entidades de acción voluntaria.

Para o desenvolvemento das súas funcións contará coas seguintes unidades administrativas con nivel orgánico de servicio:

Servicio de Formación e Apoio Técnico do Voluntariado

A este servicio correspóndenlle as seguintes funcións:

• Coordinación dos programas e proxectos de voluntariado en áreas de interese xeral

• Xestión e organización do Rexistro de Entidades de Acción Voluntaria de Galicia.

• Establece-los criterios para o seguimento e control das entidades de acción voluntaria.

• Coordinación dos centros de iniciativas de voluntariado galego nas delegacións provinciais.

• Proporcionar información, asistencia e asesoramento técnico ás entidades interesadas no desenvolvemento de programas ou proxectos de acción voluntaria.

• Fomentar, por iniciativa propia ou en colaboración con entidades públicas ou privadas, o desenvolvemento de actuacións de voluntariado

• Fomentar entre as entidades de acción voluntaria a elaboración de estudios, investigacións e estatísticas sobre o voluntariado en Galicia.

• Planificar e colaborar con entidades, públicas e privadas, no desenvolvemento de accións ou programas educativos, formativos e culturais que faciliten a formación básica e específica do voluntariado, así como a cualificación dos xestores das entidades de acción voluntaria da Comunidade Autónoma de Galicia, co fin de facilita-la profesionalización dos distintos axentes que actúan neste ámbito.

• Asesoramento, apoio técnico, participación e seguimento das actuacións da Comisión de Arbitraxe do Voluntariado

• Elaboración e seguimento da execución dos programas e accións previstos no Plan Galego para a Promoción e o Fomento da Acción

Servicio de Promoción e Axudas do Voluntariado

A este servicio correspóndenlle as seguintes funcións:

• Promover e fomenta-la participación da poboación en actuacións de voluntariado

• Promoción, participación e cooperación con entidades ou organismos doutras comunidades autónomas, de ámbito estatal ou internacional

• Desenvolvemento de campañas de difusión e sensibilización á poboación sobre os programas de acción do voluntariado.

• Tramitación, seguimento e control dos expedientes de subscrición de convenios, concertos ou outras figuras legais de colaboración con entidades de acción voluntaria

• Promocionar os proxectos de voluntariado social mediante a xestión da convocatoria anual de subvencións a entidades sen ánimo de lucro.

• Elaboración e xestión de proxectos europeos de política social

• Confección e mantemento do catálogo de recursos e creación e xestión de fondos documentais e bases de datos sobre voluntariado.

• Elaboración de proxectos normativos, informes, estudios e estatísticas

• Asesoramento e coordinación do Consello Galego de Voluntariado