Áreas de interese xeral

A Lei 3/2000 de Voluntariado en Galicia, no seu artigo 4 establece que se entenden por áreas de interese xeral as de servicios sociais, saúde, protección civil, medio ambiente, educación, cultura, lecer e tempo libre, consumo, defensa dos dereitos humanos, xuventude, cooperación internacional, defensa e fomento da economía e calquera outra que responda á natureza e fins da actuación de voluntariado.

Para os efectos da lei 6/1996, de 15 de xaneiro, do Voluntariado que regula as actividades de persoas e entidades que desenvolvan ou participen en programas de ámbito estatal ou supraautonómico, enténdese por actividades de interese xeral as asistenciais, de servicios sociais, cívicas, educativas, culturais, científicas, deportivas, sanitarias, de cooperación ó desenvolvemento, de defensa do medio ambiente, de defensa da economía ou de investigación, de desenvolvemento da vida asociativa, de promoción do voluntariado, ou calquera outras de natureza análoga.